Gigli filmində Ben Affleck baş qəhrəman "Larry Gigli" obrazını canlandırır. Filmə görə, Gigli tanınmış bir prokurorun əqli qüsurlu oğlu Brianı (Justin Bartha) qaçırmaqla vəzifələndirilir. Larry Giglinin bu tapşırığı təkbaşına yerinə yetirə bilməyəcəyini düşünən patronları, ona kömək etməsi üçün eyni işlərlə məşğul olan qadın qanqster Rickini (Jennifer Lopez) göndərirlər. Əvvəlcə Larry Gigli bir qadınla işləmək fikrindən xoşlanmasa da, zaman keçdikcə Affleck və Lopez arasında romantik bir münasibət yaranır. Digər tərəfdən, Briana qarşı mərhəmət və rəğbət bəsləməyə başlayan Larry Gigli, kobud və hissiz bir cinayətkardan normal, sıradan bir insana çevrildiyini fərq edir.