Eşkıya

Film, 35 il əvvəl Cudi dağlarında yaxalanan bir dəstə quldurun hekayəsindən bəhs edir. Quldurların hamısı ya xəstəlikdən, ya da hesablaşmalar nəticəsində dünyasını dəyişib, sağ qalan tək şəxs Baran (Şener Şen) olur. Baran 35 illik həbsdən sonra Viranşehir həbsxanasından çıxır və doğulduğu kəndin artıq bənd suları altında qaldığını öyrənir. Ceren Ana (Zübeyde Erden) ona keçmişdə baş verənləri danışır. Baran keçmiş dostu Berfonun (Kamran Usluer) xəyanəti ucbatından həbsə düşüb. Berfo quldurların qızıllarını oğurlayaraq uşaqlıq eşqi Kejeni (Sermin Hürmeriç) atasından satın alıb İstanbula qaçıb. Baran Kejenin izinə düşərkən Cumali (Uğur Yücel) adlı gənc bir adamla qarşılaşır. Bu iki insan böyük şəhərin fırtınasında məhv olmamaq üçün bir-birinə sığınırlar. Onlar zorakılıq, xəyanət, ehtiras, sonsuz sevgi və nifrətin iç-içə keçdiyi bu dünyada ayaqda qalmağa çalışırlar.