Teatr rejissoru Caden yeni bir tamaşa üzərində işləyir. Həyat yoldaşı Adele, Berlindəki rəsm sərgiləri ilə məşğul olmaq üçün qızları Olive-ni də götürərək onu tərk edir. Terapevti Madeleine ona məsləhət vermək əvəzinə, çox satılan kitabının səhifələrini vərəqləməklə məşğuldur. Cazibədar və səmimi Hazel ilə olan münasibəti isə gözlənilmədən dalana dirənir. Öz varlığını mənalandırmaq və ölümsüzlük ehtirasını təmin etmək üçün o, bir binanı teatr səhnəsinə çevirərək, onun hər bir bölməsində müxtəlif həyatları canlandıracaq aktyorları yerləşdirmək və onları idarə etmək qərarına gəlir. Eternal Sunshine of the Spotless Mind və Being John Malkovich kimi filmlərin təxəyyülü sərhəd tanımayan ssenaristi Charlie Kaufman-ın həm yazıb, həm də ilk dəfə rejissor kürsüsündə əyləşdiyi Synecdoche, New York filmi maraqlı ssenarisi ilə diqqətləri üzərinə çəkir.