Məhkəmə psixiatrı Kara Hardin çoxşəxsiyyətlilik pozğunluğu üzrə mütəxəssisdir və bir çox çətin işin öhdəsindən gəlib. Həyat yoldaşının ölümündən sonra özünü tamamilə işinə həsr edən uğurlu həkim, eyni zamanda qızı Samantanı da böyütməyə çalışır. Atasının xahişi ilə yeni bir pasiyenti müayinə etməyə başlayan Kara, sirlərlə dolu və öz ixtisas sahəsinə tam uyğun gələn Devid adlı bir şəxsi müalicə edəcək. Lakin vəziyyət göründüyü qədər sadə deyil... Kara işin dərinliklərinə endikcə böyük bir qarışıqlığın şahidi olur və gözlədiyindən də çətin bir vəziyyətlə üzləşdiyini anlayır. Devid birdən çox şəxsiyyətə malikdir və onların hər biri bir qatildir.