Bir tərəfdə tələbələrinin qorxulu röyası olan caz müəllimi Terrence Fletcher, digər tərəfdə isə "ən yaxşı" olmağı qarşısına məqsəd qoyan, həddindən artıq iddialı gənc tələbə Andrew Neyman. Hər iki tərəf öz dominant xarakterindən güzəştə getməyincə, çox keçmədən ağlasığmaz hadisələr baş verir. Bu müddətdə əlləri işləməkdən qan içində qalan Neyman, söyüşcül Fletcherin təhqirlərlə dolu təlim üsullarına boyun əymək məcburiyyətində qalır. Lakin Neymanın da özünəməxsus üsulları var və sonda, üz-üzə gələcəkləri musiqi duelindən əvvəl vəziyyət tamamilə çıxılmaz hala düşür.