Video klip və reklamların ustad rejissoru Singh-in diqqət mərkəzində bu dəfə xəstəxanada yatan şikəst bir kişi ilə balaca bir qızın qeyri-adi dostluq hekayəsi var. Onlar birlikdə intiqam arzusunda olan beş qəhrəman haqqında nağıl uydururlar: maskalı quldur, afrikalı qaçqın qul, hind mistiki, italyan anarxist və təbiətşünas kimsəsiz bir adaya sürgün olunurlar. "Düşüş" ağlasığmaz səhnələrin rəngarəng animasiyalarla vəhdət təşkil etdiyi, vizuallığı ilə izləyicini ovsunlayan və yaddaşlardan silinməyəcək bir ekran əsəridir.