Birinci Dünya Müharibəsində oğlunu itirən kor bir saat ustası dəmiryol vağzalında quraşdırdığı saatı geriyə işləyəcək şəkildə düzəldir; bəlkə gedənlər geri dönər ümidi ilə... Bu saat bir möcüzəyə səbəb olur və 1918-ci ildə, müharibənin bitdiyi gün doğulan Benjamin Button-un həyat saatı tərsinə işləməyə başlayır. O, 80 yaşlı bir qoca kimi dünyaya gəlir və həyatı körpəlik dövrünün ilk mərhələsində sona çatacaqdır. Benjamin tərsinə axan həyatında mühitə uyğunlaşmağa çalışarkən, hələ kiçik yaşlarında bir qıza aşiq olur. Əvvəlcə qoca görünüşünə görə ondan uzaq durmağa çalışsa da, yaşları bərabərləşdikdə xoşbəxtliyi tapır, lakin hər ikisinin qarşısında hələ uzun bir yol var.