Hindistanın ən sıx məskunlaşan və təxminən 20 milyon əhalisi olan Bombey şəhərində hər gün minlərlə evdar qadın nahar hazırlayır və 120 ildir davam edən möcüzəvi ənənəvi sistemlə bu yeməkləri xüsusi qablarda ərlərinə çatdırırlar. Lakin bir gün kuryer yemək qabını səhv ünvana çatdırır. Film dörd milyonda bir ehtimalla baş verən bu səhv çatdırılma ilə başlayır. Orta təbəqədən olan evdar qadın İlanın böyük zəhmətlə hazırladığı yeməklər təqaüdə çıxmağına az qalmış tənha bir adam olan Saajana çatır. Arzuları məhv edən bu nəhəng şəhərdə hər ikisi bu yemək qablarında bir ümid işığı tapır.