Həyatınız darıxdırıcı və dözülməz bir hal alanda, heç keçmişə qayıtmaq istəmisinizmi? Bəs tələbəlik illərinizə dönmək necə? Narahat olmayın, darıxdırıcı dərslər və müəllimlər yoxdur. Dərslərin olmadığı bir tələbəlik dövrü xəyal edin... "Road Trip" filminin rejissoru yeni filmində qəhrəmanların on il sonrakı vəziyyətinə diqqət yetirir. Şən tələbəlik illəri keçirmiş, otuz yaşlarında olan üç dost köhnə günlərin dadını yenidən yaşamaq istəyirlər. Dərslərdən kənar, yəni qayğısız bir tələbəlik mühiti yaradıb özlərini ora bağlamaq ən böyük arzularıdır. Əyləncə üçün zəng çalınır...