Xüsusi güclərə malik Kirpi Sonic, uşaq yaşlarında öz dünyasında təhlükə ilə üzləşdiyi üçün ona himayədarlıq edən bayquş Longclaw-ın verdiyi sehrli üzüklərlə ölçülər arası səyahət edərək dünyamıza gəlir. Bizim dünyamızda özünə bir yuva və rahatlıq tapsa da, özünü çox tənha hiss edir. Yaşadığı Green Hills qəsəbəsində şerif işləyən Tom Wachowski ilə tanış olan Sonic, itirdiyi sehrli üzükləri tapmaq üçün Tomla birlikdə San Fransiskoya doğru yola çıxır. Lakin bu səyahət zamanı onu hökumət adından təqib edən, xüsusi güclərini ələ keçirmək istəyən şər alim Dr. Robotnik və onun təhlükəli robotları izindədir.