Sadə qayğıları olan saf irlandiyalı gənc Cerri Konlon 70-ci illərdə Londona gəlir. Həyatın axışına qapılan gənc burada işğal olunmuş bir evdə sərbəst həyat sürən gənclərlə vaxt keçirməyə başlayır. Polis basqını zamanı heç bir aidiyyəti olmadığı 1974-cü il Qildford partlayışında günahlandırılaraq həbs olunur. O dövrün İngiltərəsində terrorla mübarizə adı altında insan haqlarının tapdalandığı fərqli bir mühit hökm sürürdü. Ağır fiziki və mənəvi işgəncələrə məruz qalan Cerrinin yaşlı və günahsız atası da cinayət ortağı kimi həbs edilir. Bir vəkil qadının illərlə davam edən səyləri sayəsində Cerri üzləşdiyi ədalətsizliyə qarşı mübarizə aparmağa başlayır.