FBI agenti Jack Malloy-un iş yoldaşları bir əməliyyat zamanı seriyalı qatil tərəfindən öldürülür. Malloy əsl hədəfin özü olduğunu düşünür. Qatil Malloyun sevgilisini də öldürür və intihar edir. Baş verənlərin şokunu atlaya bilməyən Malloy depressiyadan çıxması üçün polis reabilitasiya mərkəzinə göndərilir. O, özü kimi problemli 9 polis əməkdaşı ilə birlikdə Vayominqin sərt iqlimində yerləşən bir islah mərkəzinə yollanır. Bu, onun üçün son şansdır. Malloy və yoldaşları həbsxananı xatırladan bu yerdən qurtulacaqları günü gözləyərkən, onlar üçün əsl kabus başlayır. Qar fırtınası səbəbindən mərkəzin xarici dünya ilə əlaqəsi kəsilir və Malloyun dostları bir-bir öldürülməyə başlayır.