Gənc və uğurlu dizayner Drew karyerasında yüksəliş ərəfəsində olduğu bir vaxtda etdiyi səhv ucbatından işini itirir. İşsiz qalmağın şokunu hələ yaşamamışkən, ikinci bir xəbərlə sarsılır. Telefonda anası atasının vəfat etdiyini bildirir. Drew, sağlığında heç yola getmədiyi və həmişə soyuq münasibətdə olduğu atasının bu qəfil ölümü üzərinə tələsik Elizabethtown-a yollanır. Atasına qarşı son borcunu yerinə yetirməlidir. Lakin keçmişdə yaşadıqları və ailəsi ilə olan qopuk münasibəti gənc adamın fikirlərini qarışdırır. Bəlkə də bu qəfil ölüm, özü və atası ilə hesablaşmasında ona işıq tutacaq. Səyahəti zamanı tanış olduğu gözəl və nikbin stüardessa Claire, Drew-un həyata baxışını dəyişir.