Lord Henri ilə Dorian arasındakı qarşılıqlı münasibət, Dorianın getdikcə pisliyə, şeytani əməllərə və həzz düşkünlüyünə sürüklənməsi filmin əsas süjet xəttini təşkil edir. Son dərəcə saf və yaraşıqlı Dorianın dəyişimi, Lord Henrinin sözləri və Dorianın öz portretində gözəlliyini kəşf etməsi ilə başlayır. Lord Henrinin təsiri ilə pisliyin və zövqün cazibəsinə qapılan, dünyada gənclik və gözəllikdən daha önəmli bir şey olmadığına inanan Dorian üçün həyəcan pislikdə və günahdadır; xeyirxahlıq və fəzilət isə onun üçün darıxdırıcı və passivdir. Xeyirxahlığı təmsil edən Basilin Doriana bəslədiyi saf ehtirasda homoseksual çalarlar açıq şəkildə hiss olunur. Dorianın böyük sirrini, portretdəki dəyişikliyi görən yeganə şəxs Basil olur. Portretə köklənən, əbədi gənclik qarşılığında ruhunu satan və ruhunun ölməsindən qorxan Dorian üçün xilas yolu varmı? Gənc bir adamın böyüməsini, tərbiyəsini, inkişafını, özünü və inanclarını kəşf etməsini əks etdirən "Dorian Qreyin portreti" əsəri üçün Oskar Uayld "bir ruhun hekayəsi" demişdir.