50-ci illərin Welton Akademiyası ciddi, intizamlı və akademik dairələrdə yüksək nüfuza malik bir məktəbdir. Məktəb rəhbərliyinin mühafizəkar və ortodoks yanaşması təhsil ocağını şagirdlər üçün darıxdırıcı və boğucu bir yerə çevirir. Lakin yeni ingilis dili müəllimi John Keating-in təyinatı ilə hər şey dəyişəcək. Keating şagirdlərinə dərslikləri cırıb atmağı, qəlibləşmiş düşüncə tərzindən uzaqlaşmağı və həyatı dolu-dolu yaşamağı tövsiyə edərək, məktəbin mövcud status-kvosuna tamamilə zidd bir mövqe tutur. Şagirdlərini şeir və dəyərli ədəbi əsərlərlə tanış edən Keating, onların bir çoxuna dərindən təsir edir və gələcəyə dair xəyallarının formalaşmasına kömək edir. Əlbəttə ki, Keating-in bu yanaşmasının məktəb rəhbərliyi tərəfindən fərq edilməsi və üzərinə gedilməsi uzun çəkmir. Məktəb direktoru Nolan, Keating-i məktəbdən uzaqlaşdırmaq qərarı verdikdə isə, həyatlarını dəyişdiyi şagirdləri onu müdafiə etmək üçün hərəkətə keçirlər.