Artıq 40 yaşlarına çatan Bridget Jones-un həyatında uzun fasilədən sonra hər şey nisbətən qaydasında görünür. Mark Darcy-dən ayrıldıqdan sonra özünü işinə həsr edib və başqa şeylərə çox da fikir vermir. Bəlkə də illər sonra ilk dəfədir ki, həyatının tam nəzarətini əlinə alıb. Lakin bu vəziyyət Darcy-nin tam əksi olan amerikalı Jack Qwant ilə tanış olana qədər davam edir. Amerikalıdan təsirlənən, lakin Darcy-dən də tamamilə əl çəkə bilməyən Jones-un həyatı hamilə olduğunu öyrəndikdə tamamilə dəyişir. Əlbəttə, daha bir problem var: o, körpənin atasının bu iki kişidən hansı olduğunu bilmir.