Yaxın gələcəkdə Yaponiyada hökumət gənclərin törətdiyi zorakılıq hallarının qarşısını ala bilmir. Müəllimlər, ailələr, bir sözlə, bütün cəmiyyət gəncliyin yaratdığı qorxu atmosferinə təslim olub. Yapon hökuməti vəziyyətin gərginləşməsindən sonra "Battle Royale" adlı qanunları qəbul edir. Bu qanuna görə, hər il ölkədəki liseylərdən təsadüfi bir sinif seçilir və həmin sinfin şagirdləri hökumətin gizli saxladığı bir adaya aparılır. Bu ilki "Battle Royale" üçün Nobunun sinfi seçilir. Nobu və dostları hökumət tərəfindən adaya qaçırılırlar. Adada onları müəllimləri Takeşi qarşılayır və oyunun qaydalarını izah edir. Qaydalar sadədir: Nobu və 41 sinif yoldaşından yalnız biri adadan sağ çıxa biləcək. Hökumət hər bir gəncə içərisində müxtəlif silahlar və kifayət qədər ərzaq olan bir çanta verir. Gənclər adadan sağ çıxmaq üçün 3 gün ərzində bir-birini öldürməlidirlər...