Ailəsini kiçik yaşlarında itirən Wade Watts (Tye Sheridan) real dünyanın çətinliklərindən qaçmaq üçün vaxtını The Oasis adlı oyun kainatında keçirir. Oyunun milyonçu yaradıcısı oyun kainatının daxilində bir açar gizlədib və öldükdə bütün sərvətini, eləcə də oyunun idarəçiliyini bu açarı tapan şəxsə vəd edir. Wade də bu macəra dolu xəzinə axtarışına qoşulur. Bir müddət sonra hər şey oyun olmaqdan çıxıb amansız bir rəqabətə çevrilir. Çünki şirkət səhmdarları və tamahkar oyunçular xəzinəyə hamıdan əvvəl çatmaq və digər iştirakçıları sıradan çıxarmaq üçün hər şeyə hazırdırlar.