John Forbes Nash qazandığı təqaüdlə Princeton Universitetində təhsil almağa başlayır. Bu müddət ərzində parlaq zəkasını hər addımda hiss etdirən, lakin ətrafındakılarla uyğunlaşma problemi yaşayan dahi Nash, inanılmaz bir nəzəriyyə irəli sürüb onu sübut etmək mərhələsinə qədər gəlir. Beləliklə, riyaziyyat aləmində şöhrət qazanan dahi adam zaman keçdikcə şizofreniya əlamətləri ilə mübarizə aparmağa başlayır. Nash artıq öz xəyali reallıqlarından qurduğu dünya ilə real həyatı bir-birindən ayıra bilməyəcək bir mərhələyə çatır.