Gərgin iş qrafiki olan Emily Nelson bir gün oğlunun məktəb yoldaşının anası, bloqqer Stephanie Smothers-dan "kiçik bir xahiş" edir. O, beş yaşlı oğlunu məktəbdən götürməsini istəyir. Həyat yoldaşını yol qəzasında itirmiş və o vaxtdan bəri təkbaşına övlad böyüdən Stephanie bu xahişi yerinə yetirir, lakin Emily-nin gözlənilmədən yoxa çıxması onu dəhşətə gətirir. Emily-yə zəng və mesajlarla çata bilməyən Stephanie bloq izləyicilərini də köməyə çağırır. Lakin əsl kabus Stephanie və Emily-nin əri Sean-ın narahat axtarışları nəticəsində Emily-ni tapdıqları zaman başlayacaq.