Josh Covacs (Ben Stiller), Nyu-Yorkda yerləşən şəhərin ən təhlükəsiz və ən lüks yaşayış komplekslərindən birinin meneceridir. 10 ildən çoxdur davam etdirdiyi bu vəzifədə hər şey onun nəzarəti altındadır. Lakin binanın ən üst mərtəbəsində böyük bir fırıldaqçı olan birja makleri Arthur Shaw (Alan Alda) yaşayır. İnvestorlarından 2 milyard dollar oğurladıqdan sonra yaxalanan Shaw bu super lüks qüllədə ev dustaqlığındadır və onun ən böyük qurbanları da pullarını ona etibar edən bina işçiləridir! Josh və komandası Arthurdan həm pullarını geri almaq, həm də qisaslarını çıxmaq üçün bir plan qururlar. Böyük bir fırıldaqçı olan Slide-ı da komandaya daxil edərək, Arthurun mənzilində gizlətdiyinə əmin olduqları 'şeyi' oğurlamağı hədəfləyirlər. Soyğunçular təcrübəsizdirlər, lakin illərdir qoruduqları binanı hamıdan daha yaxşı tanıyırlar...