İki məğlubedilməz boksçu... Biri George Chambers, yəni hamının tanıdığı ləqəbi ilə "Buzadam" – özünə həddindən artıq arxayın, qarşısına çıxanı məhv edəcəyinə inanan və özündən başqa heç kəsin yaxşı döyüşçü olmadığını düşünən biridir. O, rinqdə dəfələrlə döyüşsə də, bir dəfə belə məğlub olmayıb. Rəqibi Monroe Hutchens isə daha ciddi, danışmağı sevməyən, qapalı və öz dünyasında yaşayan bir boksçudur. O da heç vaxt məğlub olmayıb. Lakin həyatında bir dəfə özünə hakim ola bilməyərək, sevgilisinə xəyanət edən şəxsi öldürüb və həbs cəzasına məhkum edilib. Həbsxanada nəzarətçilərin icazəsi ilə hər iki aydan bir boks matçları təşkil olunur. Bir gün bu iki məğlubedilməz döyüşçü eyni həbsxanada qarşı-qarşıya gəlir. Qalib gələn tərəf digərinə ilk məğlubiyyətini yaşadacaq.