Gələcəkdəki qiyamət günlərindən bəhs edən kitabın ekranlaşdırılması olan bu film, güclü aktyor heyəti ilə bestseller siyahısında olan "The Road" kitabının kölgəsində qalmayacaq kimi görünür. Qiyamətdən sonrakı atmosferdə Amerika yanğın yerinə dönüb. Bir ata və oğlunun istiqaməti Amerika sahilləridir. Amerikanı bir başdan digər başa keçərkən əllərindəki sadə tüfənglə yaşadıqları macərada əsas problem sərt hava şəraitində hara getdiklərini bilməmələri və yollarına çıxan quldurlardır. Film elmi-fantastika janrında olmasına baxmayaraq, özündə vestern elementlərini də daşıyır.