İl 1593-dür və istedadlı dramaturq Uilyam Şekspir hər yazıçının vaxtaşırı üzləşdiyi yaradıcılıq böhranını yaşayır. Onun son komediyası olan "Romeo və Ethel, Piratın Qızı" bir cür irəliləmir, London teatr ictimaiyyəti isə daim hazır ssenarini tələb edir. Depressiyaya düşən Uilyam ilahi istedadını itirib-itirmədiyini düşünməyə başlayır. Bütün ümidlərini itirdiyi bir vaxtda gözəl Viola ilə tanış olur və ondan aldığı ilhamla bütün zamanların ən böyük eşq hekayələrindən birini qələmə alır. Con Meddenin Şekspir uyğunlaşmalarının populyar olduğu bir dövrdə çəkdiyi bu qeyri-adi film, istedadlı aktyor heyəti ilə həm çox sevilib, həm də yeddi Oskar mükafatına layiq görülüb.