Fransanın imkanlı ailələrindən olan Klod və Mari Verneuil cütlüyünün dörd gözəl qızı var. Bu qızlardan İzabel müsəlman Rəşidlə, Odil yəhudi Devidlə, Seqolen isə çinli Çao ilə evlənir. Müxtəlif mədəniyyətlərdən olan kürəkənlərini qəbul etməkdə çətinlik çəkən Klod və Marinin yeganə ümidi kiçik qızları Lorun kilsədə katolik adətləri ilə ailə qurmasıdır. İstədikləri də olur. Bir gün Lor evlənməyə qərar verdiyini və bəyin də dindar bir katolik olduğunu ailəsinə deyəndə çox sevinirlər. Nəhayət, normal bir toy olacaqdı, lakin yeni kürəkən namizədi Şarl ilə tanış olanda xəyalları alt-üst olur. Şarl Afrika əsilli bir katolikdir. Klod üçün artıq bir yol qalır: toyu pozmaq. Bu məqsədə çatmaq üçün o, maraqlı bir müttəfiq tapır – bəy namizədi Şarlın atası Andre.