William və Dakota Block bir gecə bağçalarından gələn səslərlə oyanırlar. Nə baş verdiyini anlamaq üçün çölə çıxdıqlarında gördükləri mənzərə dəhşətlidir. Baş verən bir partlayış nəticəsində ətrafa qəribə bir qaz yayılıb və bu qazı nəfəs alan insanlar şiddətə meyilli canilərə çevriliblər. Getdikcə aqressivləşən insanlar hər tərəfə qorxu saçırlar. Hücumlar zamanı ayağını itirən rəqqasə Cherry və keçmiş sevgilisi Wray-in də William və Dakota-ya qoşulması ilə onlar hadisələrin sirrini araşdırmağa başlayırlar. Robert Rodriguez və Quentin Tarantino-nun iki filmdən ibarət layihəsi olan Grindhouse-un Rodriguez tərəfindən idarə olunan ikinci hissəsi "Planet Terror", tənqidçilər tərəfindən uğurlu bir iş kimi qiymətləndirilib. Xüsusilə Frank Miller-in "Sin City" uyğunlaşmasından sonra rejissorun işləri kinosevərlərdə böyük maraq doğurur.