Filmin mövzusu Birinci Dünya müharibəsi zamanı Fransız ordusunda komandanlığın döyüşmək istəməyən əsgərlərə gözdağı vermək üçün günahsız əsgərləri güllələməsidir. Fransız ordusu müharibə dövründə digər müttəfiq ordular kimi qorxaqlıq ittihamı ilə edamlar həyata keçirirdi. Lakin filmin mərkəzində dayanan əsas problem, hücum əmrinə tabe olmayan bütün cəbhənin əvəzinə təsadüfi seçilmiş əsgərlərin güllələnməsidir. Bu cəza növü tarixdə romalılar tərəfindən geniş tətbiq olunurdu. "Onluq cəzası" (decimation) adlanan bu üsulda, günahkarlar arasından hər on nəfərdən biri öldürülərək cəzalandırılırdı. Fransız ordusunda bu cəza 15 dekabr 1914-cü ildə Flanders yaxınlığında geri çəkilən Əlcəzair Alayı 8-ci Tabor 10-cu Bölük əsgərlərinin hücum əmrinə tabe olmamaları səbəbindən tətbiq edilmişdi.