Biri ağ və varlı, digəri isə yoxsul və qaradərili... Tale onları svetoforda qarşılaşdırır və iki adamın düşmənçiliklə başlayan münasibəti möhkəm bir dostluğa çevrilir... Böyük bir reklam şirkətində rəhbər vəzifədə çalışan Nik Bim evə bir az tez gəldikdə, çox sevdiyi həyat yoldaşını müdiri ilə eyni yataqda yaxalayır. Şoka düşən gənc adam dərhal maşınına minib oradan uzaqlaşır. Lakin bəxtsizlik onun yaxasını buraxmır. Svetoforda dayandığı zaman qapı açılır və ildırım sürəti ilə içəri girən T. Pol, silahı Nikin gicgahına dirəyərək cibindəki bütün pulları ona verməsini tələb edir. Artıq itirəcək bir şeyi qalmadığını düşünən Nik qorxmadan hərəkət edərək silahı təcavüzkarın əlindən alır. Artıq cinayətkar onun əlindədir. İki kişi arasında bu təhlükəli vəziyyətlə başlayan münasibət bir müddət sonra dostluğa çevrilir. Hətta onlar Nikin müdirindən intiqam almaq üçün bir soyğun da planlaşdırırlar.