Fransız qanqsterlərinin sonuncusu Jacques Mesrine, həyatı boyu 1 nömrəli xalq düşməni elan edilmişdi. O, mütəmadi olaraq ictimai rəy sorğularının zirvəsində yer alırdı. Parisin mərkəzində polisin yaxın məsafədən açdığı intensiv atəş nəticəsindəki möhtəşəm ölümü onun əfsanəvi statusunu taclandırdı. Elə ki, 1979-cu ildəki ölümündən 30 il keçməsinə baxmayaraq, bu gün belə Jacques Mesrine əfsanəsi hələ də canlıdır. Onun həyatı kino tarixində ilk dəfə olaraq iddialı bir layihə ilə böyük ekrana gətirilir. Həm triller, həm də bioqrafik film olan bu layihənin çəkilişlərində tarixi faktlara mümkün qədər sadiq qalınıb. Mesrinedən bir super qəhrəman yaratmaq məqsədi güdməyən filmdə, onun ən qaranlıq tərəfləri də daxil olmaqla, dolğun bir xarakter portreti çəkilib. Hekayənin çıxış nöqtəsi isə bir ikonun arxasındakı insan olub.