1900-cü illərin Amerikasında orduda xidmət edən polkovnik William Ludlow vəzifəsindən ayrılaraq, Montanada, Qayalı dağlarda yerləşən evində üç oğlu ilə birlikdə yaşamağa başlayır. Bu ərəfədə Birinci Dünya Müharibəsi başlayır. Polkovnikin bütün etirazlarına baxmayaraq, üç qardaş müharibəyə qatılır. Ən kiçik oğul Samuelin həlak olduğu müharibədən sonra, digər oğlu Tristan Samuelin nişanlısı Susannah ilə yaxınlaşır və aralarında bir sevgi başlayır. Böyük qardaş Alfredin də Susannahdan xoşu gəlməyə başlaması ilə hadisələr dəyişir və mürəkkəbləşir. Bu arada, qardaşının ölümündə özünü günahkar bilən Tristan çıxılmaz vəziyyətə düşür.