Film, Amerika peşəkar futbol liqasının yeni qurulmağa başladığı 1925-ci ildə cərəyan edir və çəkilişləri Şimali və Cənubi Karolinadakı real məkanlarda aparılıb. George Clooney filmdə komandasını bar künclərindən izdihamlı stadionlara çıxarmağa qərarlı olan yaraşıqlı və təşəbbüskar futbol qəhrəmanı Dodge Connoly rolunu canlandırır. Komandasının sponsorunu itirməsi ilə futbol liqasının uçurumun astanasına gəldiyini görən Dodge, məşhur bir kollec futbolu ulduzunu heyətə qatılmağa razı salır. O, atdığı bu son addımla can çəkişən futbol idmanının yenidən ölkə gündəminə gələcəyinə ümid edir. Komandaya yeni qoşulan Carter Rutherford (John Krasinski) Amerikanın parlaq gənclərindən biridir. Eyni zamanda, Birinci Dünya Müharibəsində alman əsgərlərini təkbaşına geri çəkilməyə məcbur edən bir müharibə qəhrəmanı kimi şöhrət qazanan Carter, futbol meydançasındakı misilsiz sürəti ilə tanınan yaraşıqlı bir idmançıdır.