Film, yeniyetmə yaşlarında olan iki qızın dostluq hekayəsindən bəhs edir. Öz ətraflarındakı hər kəsi kənarlaşdıraraq, yaratdıqları xəyali dünyada yaşamağa başlayan bu iki gənc qız bir-birinə sıx bağlanırlar. Əslində bir-birindən xeyli fərqli olan, müxtəlif sosial təbəqələrdən gələn bu iki qızı bir-birinə bağlayan səbəblər izləyiciyə fon olaraq təqdim edilir. İzləyici əvvəlcə onların bu həddindən artıq bağlılığına, özlərini imtiyazlı hesab etmələrinə, xəyallarında film ulduzları, opera müğənniləri və kral ailəsi üzvləri ilə dostluq etmələrinə rəğbətlə yanaşmaya bilmir. Film izləyicini onların bu ikilik dünyasının tam mərkəzinə atır. Onların "4-cü dünya" adlandırdıqları bu sənət və zövq dünyasının ovsunlayıcı atmosferinə qapılmamaq mümkün deyil. Digər tərəfdən, dostluqları getdikcə təhlükəli bir məcraya yönəlir və valideynlərinin səhvləri də buna sanki duz-istiot səpir.