Mabel Longhetti (Gena Rowlands) Los-Ancelesdə yaşayan, aşağı-orta təbəqədən olan bir evdar qadındır. Şəxsiyyəti o qədər zəifdir ki, özünü yalnız ərinin sevgisi və uşaqlarının bağlılığı ilə ifadə edə bilir. Əri Nick (Peter Falk) tikinti briqadasının rəhbəridir; coşqun, insanlarla ünsiyyətdə olmağı sevən biridir. Mabel onu məmnun etmək üçün əlindən gələni edir və təklikdə olduqları zaman bunu bacarır da. Onlar bir-birini sevirlər. Lakin ətrafda başqaları olanda Mabel bir az qəribələşir. Özünün kim olduğundan əmin olmadığı üçün necə davranacağını da bilmir. Mabel ətrafındakı hər cür təsirə qarşı müdafiəsizdir; inamsız və manikdir. Həddindən artıq gülür və özünü məcbur edir. Başqalarının yanında özünü yaxşı hiss etmir. Buna görə də əri sonda etməli olduğunu düşündüyü şeyi edir və onu psixiatriya xəstəxanasına yerləşdirir.