Hindistanda mühəndislik oxuyan Fərhan, bu ixtisasa ailəsinin təzyiqi ilə daxil olub. Onun əsl arzusu isə fotoqrafiya təhsili almaqdır. Otaq yoldaşı Racu isə kasıb ailədə böyümüş, tezliklə peşə sahibi olub ailəsinə baxmaq üçün çabalayan bir mühəndis namizədidir. Otaqlarına gələn Ranço (Amir Xan) isə hər ikisindən tamamilə fərqli, qəribə və bir o qədər də ağıllı bir gəncdir. Bir-birinin ən yaxın dostuna çevrilən Fərhan, Racu və Ranço, Rançonun təhsil aldığı məktəbi və təhsil sistemini dəyişmək cəhdləri nəticəsində məktəbin diktator müəllimi “Virus”un hədəfinə çevrilirlər. Özünə və bütün məktəbə ilham verən, hamıdan fərqli düşünən və sistemi dəyişməyin mümkün olduğunu müdafiə edən Ranço, məzun olduqdan sonra yoxa çıxır. Rançonu tapmaq üçün illər sonra yola düşən Fərhan və Racu, bu səyahətlərində Rançonun heyrətamiz hekayəsinə şahid olacaqlar.