Tom Riley

Tom Riley (5 aprel 1981-ci ildə Kent qraflığının Maidstone şəhərində anadan olub) ingilis kino, televiziya və teatr aktyorudur. Tom dörd yaşından doğma şəhəri Kent qraflığının Maidstone şəhərində dramla məşğul olub, məktəb illərində isə pyeslər yazıb tamaşalara quruluş verib. O, Birmingham Universitetində İngilis ədəbiyyatı və dram üzrə təhsil alıb, 2002-ci ildə fərqlənmə diplomu ilə məzun olub və aktyorluq məktəbinə getmək qərarına gəlməzdən əvvəl kiçik bir teatr şirkəti yaradıb. Elə həmin il LAMDA-da üçillik Peşəkar Aktyorluq Kursuna başlayıb və təhsilini 2005-ci ildə başa vurub.