Lance Reddick

Lens Solomon Reddik (7 iyun 1962 – 17 mart 2023) amerikalı aktyor idi. O, "The Wire" (2002–2008) serialında Sedrik Deniels, "Fringe" (2008–2013) serialında Fillip Broylz və "Bosch" (2014–2020) serialında polis rəisi İrvin İrvinq obrazlarını canlandırıb. Filmlərdə isə "John Wick" franşizasında (2014–2025) Şaron və "White House Down" (2013) filmində general Kolfild rollarını ifa edib. O, həmçinin "Oz" (2000–01) serialının dördüncü mövsümündə detektiv Conni Bezil, "Lost" (2004–10) serialında Metyu Abaddon, Netflix-in "Resident Evil" (2022) serialında Albert Uesker və onun klonları, eləcə də "Percy Jackson and the Olympians" (2024) serialında Zevs obrazlarını canlandırıb. Ölümündən sonra yayımlanan sonuncu roluna görə o, "Children's and Family Emmy Award" mükafatının "Görkəmli ikinci plan aktyoru" nominasiyasına layiq görülüb. O, "Quantum Break" oyununda Martin Hatç, "Horizon Zero Dawn" və "Horizon Forbidden West" oyunlarında Saylens, "Destiny" franşizasında isə komandir Zavala obrazlarını səsləndirib və onların xarici görünüşünü təmin edib.