Atası V Corcun ölümü və böyük qardaşı Edvardın amerikalı Uollis Simpsonla yaşadığı qalmaqallı eşq macərası səbəbindən taxtdan imtina etməsindən sonra, Berti istəməyərəkdən kral vəzifəsini öz üzərinə götürmək məcburiyyətində qalır. Ailə içində "Berti" kimi tanınan Albert, uşaqlıqdan əziyyət çəkdiyi və lağ obyektinə çevrildiyi kəkələmə problemi səbəbindən kral vəzifəsindən və etməli olduğu çıxışlardan dəhşətə gəlir. Müharibə ərəfəsində olduqlarını və ölkənin təcili bir liderə ehtiyacı olduğunu bilən həyat yoldaşı Elizabet, kral sarayının qaydalarına əhəmiyyət verməyən avstraliyalı qeyri-adi nitq terapevti Layonel Loqu onunla tanış edir. Əvvəlcə yola getməyən bu ikili sonradan böyük bir irəliləyiş əldə edəcək.