Leonard Shelby bahalı kostyumlar geyinir, son model Jaguar sürür; bununla yanaşı, ucuz, tanınmayan motellərdə qalır və ödənişlərini həmişə nağd pulla edir. Uğurlu bir iş adamı kimi görünür... Lakin Leonardın yeganə işi intiqam almaqdır; o, həyat yoldaşına təcavüz edib onu öldürən adamın axtarışındadır. Şübhələri polis tərəfindən nəzərə alınmayan Leonardın həyatındakı yeganə mübarizəsi ədalət axtarışı üzərində qurulub. Qatili tapmaqda isə böyük bir çətinliklə üz-üzədir. Leonardın nadir rast gəlinən, müalicəsi olmayan bir yaddaş itkisi xəstəliyi var. "Qəza"dan əvvəlki hadisələri ən xırda təfərrüatına qədər xatırlaya bilən Leonard, 15 dəqiqə əvvəl nə baş verdiyini, nə etdiyini, hara getdiyini və niyə getdiyini xatırlaya bilmir.