Çox qədim və gizli bir qardaşlıq təşkilatı. Dünyanı məhv edəcək ölümcül yeni bir silah və ağlasığmaz bir hədəf. Harvard Universitetinin simvolika professoru Robert Langdon, Qalileo dövründən bəri Katolik Kilsəsinin fanatik inanclarını lənətləyərək elmin faydalarını ucaldan gizli İlluminati təşkilatının hələ də fəaliyyətdə olduğunu və qətllər törətdiyini öyrənəndə şoka düşür. Parlaq fizik Leonardo Vetra qətlə yetirilib. Bir gözü çıxarılıb və sinəsinə təşkilatın simvolu dağlanıb. Alimin son kəşfi olan güclü və çox təhlükəli enerji mənbəyi - antimaddə oğurlanıb və yeni papanın seçiləcəyi gün Vatikan şəhərinin altında gizlədilib. Langdon, Vetranın həm həmkarı, həm də qızı olan Vittoria ilə birlikdə sivilizasiyanı məhv olmaqdan xilas etmək üçün Roma küçələrində, kilsələrdə və katakombalarda nəfəs kəsən bir yarışa çıxaraq, 400 illik izi sürür və İlluminatinin izinə düşməyə çalışırlar.