Distopik bir gələcəkdə dünya əhalisinin sayı nəzarətdən çıxıb qıtlıq baş verdikdə, insanları doyurmaq üçün genetikası dəyişdirilmiş qidalardan istifadə edilməyə başlanır. Lakin bu qidalar çoxuşaqlı doğumlara səbəb olur. Artan əhalini nəzarətdə saxlamaq üçün "tək uşaq siyasəti" məcburi edilir. Bu siyasətə görə, artıq doğulan uşaqlar "daha yaxşı bir gələcəkdə" oyandırılmaq üçün dondurulurlar. Belə bir dünyada Karen Settman yediz dünyaya gətirir və doğuş zamanı vəfat edir. Uşaqların dondurulmasına razı olmayan babaları Terrence, onları evinə gətirib böyütməyə başlayır. Yedizlər babaları tərəfindən həftənin günlərinə uyğun adlandırılır və yalnız öz adlarına uyğun günlərdə Karen Settman şəxsiyyətindən istifadə edərək çölə çıxa bilirlər. Artıq böyümüş yedizlər, günlərin birində Bazar ertəsinin evə qayıtmaması ilə birlikdə çölə çıxıb bacılarını axtarmaq məcburiyyətində qalırlar.