Arkansaslı bir ofisiant olan Louise (Susan Sarandon), sevgilisindən bezib, laqeyd və cinsiyyətçi əri ilə darıxdırıcı bir həyat sürən rəfiqəsi Thelma-nı (Geena Davis) yoldan çıxarır. Onlar birlikdə azadlıq dolu bir həftəsonu üçün avtomobillə səyahətə çıxırlar. İlk dayandıqları barda əylənib rəqs edir, yerli kişilərlə xoş vaxt keçirirlər. Lakin bir nəfər Thelma-nı izləyib ona təcavüz etməyə cəhd edəndə, Louise yetişib onu öldürmək məcburiyyətində qalır. Polisin onlara inanmayacağından qorxan qadınlar qaçmağa qərar verirlər və bir anda qanun qaçağına çevrilirlər. Baş verənlərdən sarsılan Thelma, fikrini yayındırmaq üçün gənc kovboy J.D (Brad Pitt) ilə bir gecəlik münasibət yaşayır və vəziyyət daha da qarışır.