1900-cü ilin ilk həftəsində "Virginian" adlı transatlantik gəmisində işləyən Denni Budman bal zalında üzərində "T.D. Lemons" yazılmış bir qutunun içində yeni doğulmuş körpə tapır. Körpəni hamıdan gizlədən Denni onu öz övladı kimi böyütməyə başlayır. Ona öz adını, tapıldığı qutunun üzərindəki yazını və tapıldığı il olan 1900 (Noveçento) adını verir. Qanuni yollarla əlindən alınacağından qorxduğu üçün Noveçentonu heç vaxt gəmidən endirmir. Lakin Noveçento 8 yaşında olanda, Denni maşın şöbəsində baş verən qəza nəticəsində dünyasını dəyişir və uşaq yetim qalır. Bir gecə fortepianoda çalmağa başlayan Noveçento gəmidəki hər kəsi heyran edir; fortepianoda çalmaqdan əl çəkməyən Noveçento, yayılan şöhrətinə baxmayaraq, doğulub böyüdüyü gəmini heç vaxt tərk etməyəcək, dostluğu, sevgini və həyatı da burada tanıyacaqdır.