1999-cu ildə Kosovada baş verən ən qanlı qırğınlardan birində Aaron Hallam bu qətliamı əmr edən komandiri məhv etməklə vəzifələndirilir və tapşırığın öhdəsindən uğurla gəlir. Gümüş ulduz medalı ilə təltif olunsa da, orada yaşadıqları və gördükləri onda dərin iz buraxır; gördüyü dəhşətlər onu yuxularında belə rahat buraxmır. İllər keçir, Kosovadakı hadisələr unudulur. Özünü təbiətə həsr etmiş hərbi təlimatçı leytenant Bonham yüzlərlə kilometr uzaqda törədilən vəhşi cinayətlərin araşdırılması üçün köməyə çağırılır. Bonham ilkin araşdırmalardan sonra ovçuların vəhşi heyvan kimi öldürüldüyünü görür və qatilin yalnız öz yetişdirdiyi biri ola biləcəyini anlayır. Meşədə leytenant tərəfindən yaxalanan Aaron, xüsusi təyinatlıların onun arxasında olduğunu anlayanda yenidən dəhşətli cinayətlər törədərək qaçır və kimin ovçu, kimin ov olduğu bilinməyən bir təqib başlayır.