Altmış yaşlarında olan Harry Sanborn, qadınlarla münasibətlərində hələ də gənc qalan, islaholunmaz bir çapkındır. Yeni sevgilisi Marin ilə birlikdə onun anasının Hampton-dakı yay evinə gedirlər və orada Marin-in anasına yaxalanırlar. Bu vaxt Harry infarkt keçirir və xəstəxanaya yerləşdirilir. Bir müddət xəstəxanada qaldıqdan sonra özünə gələnə qədər Marin-in anasının evində qalmalı olur və qadın istəməyərək də olsa, ona baxmağa başlayır. Əvvəlcə bir-birlərindən heç xoşlanmayan Harry və Erica tək qaldıqları zamanlarda yavaş-yavaş bir-birilərinə isinirlər. Bu müddətdə Harry-nin iki rəqibi var: biri Erica-ya aşiq olan yaraşıqlı həkim, digəri isə öz köhnə vərdişləridir.