İl 1916. Birinci Dünya Müharibəsi artıq iki ildir ki, bütün şiddəti ilə davam edir. İngiltərə və Fransa müttəfiq qüvvələri qərb cəbhəsində almanların möhkəm səngərlərinə qarşı apardıqları döyüşlərdə uğursuzluğa düçar olur və milyonlarla insan həyatını itirir. Digər tərəfdən, avropalıları öz müharibələri ilə baş-başa buraxmağa üstünlük verən Birləşmiş Ştatlar bitərəflik və təcrid siyasətini israrla qoruyub saxlayır. Lakin könüllü təcili yardım sürücüləri və Fransa legionunun üzvü olan bəzi amerikalılar müttəfiqlərə kömək etmək üçün Avropaya yollanırlar. Çox keçmədən, amerikalı könüllülərdən bəziləri yaxşı təchiz olunmuş alman pilotlarına qarşı mübarizə aparmaq və müttəfiqlərin döyüş səylərinə dəstək olmaq üçün öz xüsusi eskadrilyalarını yaradırlar. Ölüm-dirim mübarizəsini gözə alan "Flyboys" Qəhrəman Pilotlar eskadronu məhz bu şəkildə formalaşır.