Gözəl şahzadə İzabella qorxunc nəhənglər tərəfindən qaçırıldıqda, Kral MakŞeyn ən yaxşı cəngavərlərinə qızını geri gətirməyi əmr edir. Gənc fermer Cek isə bu komandaya qoşulmağa könüllü olur. Nəhənglərin dünyası ilə insanların dünyası arasında sehrli lobya ağacı vasitəsilə yenidən bir keçid yaranıb və bu, insan qanına susamış nəhənglər üçün əla fürsətdir. Vaxtilə itirdikləri torpaqları geri almaq istəyən nəhənglərin vəhşiliyini dayandırmaq üçün Cek əlindən gələni etməlidir. Artıq bəşəriyyətin gələcəyi, bütün qorxularına baxmayaraq cəsur bir döyüşçüyə çevrilməli olan Cekin çiyinlərindədir. 'Adil şübhəlilər', 'X-Men' və 'Valkyrie' kimi filmlərin rejissoru Brayan Sinqerin çəkdiyi filmin baş rollarında Yuen Makqreqor, Nikolas Holt və Stenli Tuççi yer alıb.