Jorge Michel Grau

Jorge Michel Grau 1994–1998-ci illərdə Meksika Milli Muxtar Universitetində Kommunikasiya ixtisası üzrə bakalavr təhsili alıb, daha sonra Centro de Capacitacion Cinematografica-da (CCC) Kino Rejissorluğu ixtisasını fərqlənmə ilə bitirib. Peşəkar fəaliyyətinə sənədli filmlərin, eləcə də mədəni və maarifləndirici televiziya proqramlarının prodüseri kimi başlayıb. Jorge Meksika Kino İnstitutu, CCC və müstəqil prodakşn şirkətləri tərəfindən istehsal olunan bir sıra filmlərdə istehsalat meneceri kimi çalışıb. 2004-cü ildə İspaniyanın Barselona şəhərində yerləşən Escola Superior de Cinema I Audivisuals de Catalunya-da (ESCAC) kino rejissorluğu üzrə ixtisaslaşıb. Xaricdə təhsil üzrə dəstək proqramı çərçivəsində FONCA-dan (Mədəniyyət və İncəsənət üzrə Milli Fond) təqaüd alıb, 2009-cu ildə isə film layihəsi üçün maliyyə dəstəyi əldə edib. 2005-ci ildə National University Theatre School-da (CUT) Raul Quintanilla ilə səhnə rejissorluğu, CCC-də isə professor Alejandro Luna ilə bədii quruluş üzrə təhsil alıb. Kino rejissoru kimi 2003–2007-ci illərdə qısametrajlı filmlər üzərində çalışıb. Tammetrajlı film rejissoru kimi debütünü 2010-cu ildə Kann Film Festivalının 42-ci Rejissorların İki Həftəsi (Quinzaine des Realisateurs) bölməsində Qızıl Kamera mükafatı uğrunda rəsmi seçim çərçivəsində, eləcə də 2010-cu il 48-ci New York Film Festivalında müsabiqəyə seçilən “Somos lo que hay” (“We are what we are”) filmi ilə edib. Film Chicago International Film Festivalında beynəlxalq tammetrajlı film müsabiqəsində Münsiflər Heyətinin Xüsusi Gümüş Hugo mükafatına, Monrealda keçirilən Fantasia International Film Festivalında Sequense mükafatına, Ostindəki Fantastic Fest-də isə Ən Yaxşı Film və Ssenari üzrə Next Wave mükafatlarına layiq görülüb. 2008-ci ilin martında Morelia International Film Festivalında Young Producer's Lab proqramında və Berlin Film Festivalının təşkil etdiyi Visionary Talent Campus proqramında iştirak etmək üçün seçilib. O, Centro de Capacitacion Cinematografica-da (CCC) prodakşn, rejissor assistentliyi və çəkiliş meydançasının logistikasından dərs deyir, həmçinin diplom layihələrinə məsləhətçilik edir. Bundan əlavə, National Autonomous University-nin (UNAM) Siyasi və Sosial Elmlər fakültəsindəki dərsdənkənar proqram çərçivəsində kino istehsalından, KMZ Workshops-da isə kino rejissorluğundan dərs deyir. 2010-cu ildə Kann Film Festivalı zamanı Fransada nəşr olunan “Le Monde Magazine, Special Cinema” jurnalında “Un pays pris en otage par l'insecurite” adlı məqaləsini dərc etdirib.