Angeliki Papoulia

Angeliki Papoulia (yunanca: Αγγελική Παπούλια) Yunanıstanın Afina şəhərində anadan olub. 2000-ci ildə Afina Universitetinin Teatrşünaslıq fakültəsini və “Empros” Teatrının Dram Məktəbini bitirib. İngilis və fransız dillərində danışır. Çəkildiyi filmlər: “Matchbox” (Kiki), rejissor Yiannis Economides, 2002; “Dogtooth” (Böyük qız), rejissor Yorgos Lanthimos. Film 2009-cu ildə Kann Film Festivalında “Prix Un Certain Regard” mükafatını qazanıb və 2011-ci ildə keçirilən 83-cü Akademiya Mükafatlarında ən yaxşı xarici dildə film nominasiyasına irəli sürülüb; “Alps” (Tibb bacısı), rejissor Yorgos Lanthimos. Film 2011-ci ildə keçirilən 68-ci Venesiya Beynəlxalq Film Festivalında ən yaxşı ssenariyə görə Osella mükafatına layiq görülüb; “A Blast” (Maria), rejissor Syllas Tzoumerkas. Filmin premyerası 2014-cü ildə Lokarno Film Festivalında baş tutub; “The Lobster” (Ürəksiz qadın), rejissor Yorgos Lanthimos. Film 2015-ci ildə Kann Film Festivalında Münsiflər Heyətinin mükafatını qazanıb və 89-cu Akademiya Mükafatlarında ən yaxşı orijinal ssenari nominasiyasına irəli sürülüb; “The Miracle of the Sargasso Sea” (Elisabeth), rejissor Syllas Tzoumerkas. Filmin premyerası 2019-cu ildə Berlinale Film Festivalında baş tutub; “Amulet” (Qadın), rejissor Romola Garai. Filmin premyerası 2020-ci ildə Sundance Film Festivalında baş tutub; “Green Sea” (Anna), rejissor Angeliki Antoniou, 2018. “Dogtooth” filmindəki roluna görə 2009-cu ildə Sarayevo Film Festivalında ən yaxşı aktrisa nominasiyasında “Sarayevo ürəyi” mükafatına layiq görülüb. 2004-cü ildə blitz teatr qrupunun (www.theblitz.gr) həmtəsisçisi olub. Qrupun 2017-ci ildəki son tamaşasına qədər bütün tamaşalarını yazıb, quruluş verib və həmin tamaşalarda rol alıb. Qrup öz tamaşalarını Fransanın (Festival d'Avignon, Theatre de la Ville, La Comedie de Reims), Niderlandın, Almaniyanın (Schaubuhne Theatre, Thalia Theatre), İtaliyanın, Belçikanın, Polşanın, Avstriyanın, Norveçin, Yunanıstanın (Afina və Epidaur Festivalı, Onassis Mədəniyyət Mərkəzi), Türkiyənin və Livanın müxtəlif nüfuzlu festivallarında və teatrlarında təqdim edib. Son dövrlərdə Christos Passalis ilə birlikdə İsveçrənin Luzern şəhərindəki Luzerner Theater-də teatr tamaşalarına birgə quruluş verib. Həmçinin Michael Marmarinos və Lefteris Vogiatzisın quruluş verdiyi tamaşalarda, eləcə də Yunanıstan Milli Teatrının Yorgos Houvardas və Yorgos Lanthimosun quruluş verdiyi səhnə əsərlərində çıxış edib.