Con Travoltanın dəlisov bir gizli agenti canlandırdığı film, Mərkəzi Kəşfiyyat İdarəsinin (CIA) həbsdən yeni çıxmış usta bir haker vasitəsilə külli miqdarda pulu mənimsəmək cəhdindən bəhs edir. Filmin əsas ideyası budur: şifrəni bilirsənsə, hər yerə daxil ola bilərsən. ABŞ-da narkotiklə mübarizəyə cavabdeh olan DEA, "Qılıncbalıq" kod adlı əməliyyatını 1986-cı ildə ləğv etdikdən sonra, 400 milyon dollar dəyərində qara pul heç kimin istifadə edə bilməyəcəyi bir şəkildə ortada qalmışdı. Aradan keçən 15 il ərzində faizlərlə 9,5 milyarda çatan bu vəsaitə göz dikən biri var: Qabriel Şir.