Wendy hər gecə kiçik qardaşlarını bir-birindən gözəl fantastik nağıllarla yuxuya verirdi. Bir gün ataları Wendy-nin artıq oğlanlarla eyni otaqda yatmaq üçün çox böyüdüyünə qərar verir. Bu möhtəşəm nağıllı gecələrin qəfil bitməsi təkcə evdəki uşaqları kədərləndirmir! Çünki Wendy-nin nağıllarına vurğun olan başqa biri də var: gizlicə pəncərənin arxasından onları dinləyən Peter Pan! Wendy-nin yoxa çıxması Peter-in diqqətini çəkir və bütün uşaqlar birlikdə Peter-in dünyasına – Heç vaxt olmayan ölkəyə (Neverland) doğru macəralarla dolu bir səyahətə çıxırlar. Burada onları Kapitan Huk, pəri Tinkerbell və saysız-hesabsız fövqəladə hadisələr gözləyir.